रुपन्देही / २४ असाेज
बुटवलको मोतिपुर औद्योगिक क्षेत्रमा प्रहरी र सुकुम्बासीबिच झडप हुँदा २५ जना प्रहरी घाइते भएका छन् । जिल्ला प्रहरी कार्यालय रुपन्देहीका प्रहरी प्रमुख मनोज केसीले दिएका जानकारी अनुसार २५ जना प्रहरी र ९ जना स्थानीय घाइते भएको बताए ।
‘अहिलेसम्म २५ जना प्रहरी घाइते भएका छन् ।’ प्रहरी प्रमुख केसीले भने ‘ ९ जना स्थानीय र शस्त्र प्रहरी पनि घाइते भएका छन् ।’ घाइतेहरुको पुरा विवरण अझै संकलन गर्न बाँकी रहेकाले घाइतेहरुको संख्या अझै बढ्न सक्ने बताए । अहिले पनि सो क्षेत्रको अवस्था तनावग्रस्त रहेको बताए ।
जिल्ला प्रशासन कार्यालयले कर्फ्यू जारी गरेकाले अब पनि सो क्षेत्रमा स्थानीयले भिडभाड गरे फेरि गोली चलाउन सक्ने उनले संकेत गरे । ‘ जिल्ला प्रशासनले सो क्षेत्रमा कर्फ्यू जारी गरेको छ ।’ उनले भने ‘अब पनि भिडभाड जारी रहे के गर्ने भनेर अहिले हामी छलफलमा रहेका छौँ ।’
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
