नवलपरासी ,५ माघ – संयुक्त संर्घष समिति नवलपरासीले प्रहरी हस्तक्षेपको बीच जिल्ला सदरमुकाम परासी सहित चार स्थानमा निर्वाचन बहिष्कारको पक्षमा बिरोध कार्यक्रम गरेको छ । साम्राज्यवादद्वारा प्रयोजित संसदीय निर्वाचन बहिष्कार गर्न आब्हान गर्दै सोमवार परासीको बुद्धचोक, भुमहीचोक र बासा चोकमा प्रहरीले कार्यक्रममा अवरोध गरेपछि केही बेर तनाव उत्पन्न भएको समितिले जनाएको छ । सदरमुकाम परासीको कोणसभालाई प्रहरीले हस्तक्षेप गरेपछि प्रहरी दमन मुर्दावाद, विचार तथा अभिब्यक्ति स्वतन्त्रताको रक्षा गर लगायतका चर्का नाराबाजी सहित नेता कार्यकर्ताले बहिष्कारको अपिल गरेका थिए । परासीमा भएको बिरोध कार्यक्रममा प्रहरी ब्यानर खोसेपछि केही समय तनाव भएको बताउदै संर्घष समिति संयोजक रवि पाण्डेयले प्रशासनले विचार तथा अभिब्यक्ति स्वतन्त्रता हनन गरेको बताए । बर्दघाटको मुख्यचोकको बिरोध कार्यक्रममा भने प्रहरीले हस्तक्षेप नपु¥याएको स्थानीयबासीले जनाएका छन् । बर्दघाटको कोणसभामा क्रान्तिकारी कम्युनिष्ट पार्टी नेपालका केन्द्रीय सदस्य तथा जिल्ला ईन्चार्ज क्षेत्र बहादुर थापाले सम्बोधन र समाजवादी कम्युनिष्ट पार्टी नेपालका केन्द्रीय सदस्य तथा जिल्ला संयोजक झम बहादुर गुरुगले संचालन गरेको समितिले जनाएको छ । बासाबसही चोकमा आयोजित कोणसभामा क्रान्तिकारी कम्युनिष्ट पार्टी नेपालका बैकल्पिक केन्द्रीय सदस्य तथा जिल्ला सेक्रेटरी रवि पाण्डेले सम्बोधन र जिल्ला कार्यालय सदस्य दुर्गा नारायण चौधरीले संचालन गरेका थिए । निर्वाचन बहिष्कार गर्ने ६ दलीय मोर्चा अन्तरगत नवलपरासीमा क्राकपा नेपाल नेकपा (बहुमत) र सकपा नेपाल क्रियाशिल छन् । प्रहरी प्रशासनले भने निर्वाचन आचारसंहिताको उल्लघन हुने भएकोले बहिष्कार कार्यक्रम गर्न नपाइने बताएको छ । राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
