🐕 कुकुर तिहार आज देशभर मनाइँदै, साँझ लक्ष्मी पूजाको तयारी

राष्ट्रिय दैनिक /काठमाडौं ,३ कार्तिक

धार्मिक आस्थासँगै आजको दिन कुकुर र लक्ष्मी दुबैको आराधना

आज तिहारको तेस्रो दिन देशभर कुकुर तिहार उल्लासपूर्वक मनाइँदैछ । यमपञ्चक अर्थात् दीपावली पर्वको दोस्रो दिन पर्ने यो पर्व यस वर्ष तिथिको घटबढका कारण तेस्रो दिन परेको नेपाल पञ्चाङ्ग निर्णायक विकास समितिले जनाएको छ ।

कुकुरको पूजा किन ?
धार्मिक विश्वास अनुसार, यमराजका द्वारपाल श्याम र सबल नामक दुई कुकुरलाई प्रसन्न पार्नाले मृत्युपश्चात् यमलोकको बाटो सजिलो हुन्छ भन्ने मान्यता छ ।
त्यसैले आजका दिन कुकुरलाई फुलमाला, टिका र मीठा परिकार अर्पण गरी पूजा गर्ने प्रचलन छ ।

महाभारतमा वर्णन भएअनुसार, धर्मराज युधिष्ठिरलाई स्वर्ग यात्रामा साथ दिने कुकुर निष्ठा र धर्मप्रति समर्पणको प्रतीक मानिन्छ । यही कारण आजको दिन कुकुरलाई आज्ञापालक, निष्ठावान् र सुरक्षाकाे प्रतीक जनावरका रूपमा सम्मान गरिन्छ ।

नरक चतुर्दशीको धार्मिक मान्यता
आजको दिनलाई नरक चतुर्दशी पनि भनिन्छ ।
बिहानै तीर्थ, नदी वा तलाउमा स्नान गरी तिलको तेल लगाएर यमदीप बाल्ने र बाली बगाउने चलन रहिआएको छ ।
धार्मिक विश्वास अनुसार यसरी “नरके बगाउने” विधि पालन गर्ने व्यक्तिले मृत्युपश्चात् नरकको दर्शन गर्नु नपर्ने बताइन्छ ।

लक्ष्मी पूजासमेत आजै
तिथि घटबढका कारण यस वर्षको लक्ष्मी पूजा पनि आजै पर्ने भएको छ ।
बिहान कुकुर पूजा सम्पन्न गरेपछि साँझ घर–घरमा सम्पत्तिकी देवी लक्ष्मीको आराधना गरिँदैछ ।
घर, पसल र कार्यालयमा झिलिमिली बत्ती र रंगोलीले सजावट, माटो वा पिठोले देवी लक्ष्मीको स्वागतका लागि पैतालाको चित्र बनाउने परम्परा चलिआएको छ ।

—

🌸 तिहारका पाँच दिन

१️⃣ काग तिहार
२️⃣ कुकुर तिहार
३️⃣ गाई र गोरु तिहार
४️⃣ लक्ष्मी पूजा
५️⃣ भाइ टीका

राष्ट्रिय दैनिक

राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।