झापा । झापाको बिर्तामोडमा रहेको एक होटलमा युवकको शव फेला परेको छ।
गएराति युवतीसँगै झापाको बिर्तामोड नगरपालिका–४ स्थित होटल एभरेस्टमा बास बसेका युवकको शव फेला परेको हो ।
प्रहरीले उनीसँगै बसेकी युवती र होटल सञ्चालक महिलालाई पक्राउ गरेको छ।
होटलमा बास बसेका झापाकै हल्दीवारी–१ गोलधापका घर भएका ३० वर्षीय सागर बेस्राको आज बिहान शव फेला परेको जिल्ला प्रहरी कार्यालय झापाले जनाएको छ ।
सागर गएराति सुनसरी घर भएकी २३ वर्षीया मुना बिकसँग सो होटलमा बास बसेका थिए। प्रहरीले ती युवतीसँगै होटल सञ्चालक यामकुमारी उप्रेतीलाई पनि नियन्त्रणमा लिएको छ।
सागरसँगै बास बसेकी युवती सुनसरीको धरान–१५ घर भइ हाल झापामा बसोबास गर्दै आएकी थिइन्।
गएराति खाना खाएर उनीहरु सँगै सुतेका थिए। सागर राति कोठाभित्र बाथरुमको ढोकाको छेउमा लडर बेहोस भएको अवस्थामा आफूले देखेको युवतीले बयान दिएकी छन्।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
