नवलपरासी ,माघ–१०
सगरमाथा सामुदायिक विकास प्रतिष्ठान ,बर्दघाट–५, पाल्डाडाको आयोजनामा यहि माघ १२ गते देखि शुरु हुने पाल्डाडा कप –२०८१ को तयारी पुरा भएको आयोजकले जनाएको छ ।
संकटा एफ.सी.काठमाण्डौं देखि गोरखपुर एफ.सी.भारतको टिमले समेत भाग लिने उक्त फुटबल प्रतियोगितामा नेपाल र भारतका गरी १० टिमको सहभागिता रहने आयोजक संस्थाका अध्यक्ष गंगा बहादुर क्षेत्रीले जानकारी गराउनु भएको छ ।
१२ गते पहिलो दिन गोरखपुर एफ.सी.भारत र चोरमारा युवा क्लब नवलपुर विच खेल हुने छ भने १३ आयोजक सगरमाथा सामुदायिक विकास
प्रतिष्ठान पाल्डाडा र सनराईज एफ.सी विच प्रतिसप्रर्धा हुने खेल संयोजक कुलप्रसाद गुरुङले जानकारी गराउनु भएको छ । त्यसैगरी १४ गते रोसन पर्निचर भैरहवा स्पोर्टस र रिमिक्स युनाइटेड एफ.सी रुपन्देही विच खेल हुने छ भने १५ गते देवदह ब्वाइज देवदह रुपन्देही र सौभाग्य युवा क्लब बुटवल विच खेल हुने छ । खेलमा १२ गतेको विजयी टिमलेसंकटा एफ.सी.काठमाण्डौं संग प्रतिष्प्रर्धा गर्नु पर्ने छ भने १३ गतेको विजयी टिमले डि.वाई.डि.ए. दुम्किवाससंग प्रतिस्प्रर्धा गर्नु पर्ने छ ।
बर्दघाटनगरपालिका वडा नं.–५,पाल्डाडाको खेल मैदान आयोजना गरीएको पाल्डाडा कप –२०८१ को विजेता टिमलाई २ लाख १ हजार नगद सहित कप,मेडल र प्रमाण पत्रको ब्यवस्था गरीएको आयोजक संस्थाका सल्लाहकार तथा बर्दघाट नगर खेलकुद विकास समितिका नगर अध्यक्ष दिपक थापाले बताउनु भएको छ भने उपविजेता टिमका लागि १ लाख ५ सय नगद सहित कप,मेडल र प्रमाण पत्रको ब्यवस्था गरीएको थापाले बताउनु भएको छ । त्यसैगरी प्रतियोगितामा सहभागिहरु मध्येबाट म्यान अफ द म्याच,सार्वाेकृष्ट गोल किपर,म्यान अफ द सिरिज र सर्वाधिक गोलकर्तालाई नगद सहित मेडल प्रदान गरीने अध्यक्ष थापाले बताउनु भयो । पाल्डाडा कप –२०८१ को संरक्षक बर्दघाट नगरपालिका वडा नं. ५ को कार्यालय रहेको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
