सिरहा, मंसिर १५ ।
सिरहा जिल्लाको साविक विष्णुपुरकट्टी ७ (हाल धनगढीमाई १२) मा रहेको श्री तुलसी राम सत्य भामा माध्यामिक उच्च मावि विवादमा तानिएको छ । विद्यालयमा नियम र कानुन मिचेर जयराम कार्कीलाई निमित्त प्रधानाध्यापकको जिम्मेवारी सुम्पिएको भन्दै स्थानीयबासीले आक्रोश व्यक्त गरेका छन् ।
दुवै मृगौला पीडित अवस्थामा रहेका कार्कीलाई स्वर्गीय प्रधानाध्यापक बलराम भक्त श्रेष्ठको निधनपछिको जिम्मेवारी कानुन अनुसार दिएको नभएको स्थानीयहरूले दाबी गरेका छन् ।
विद्यालयमा जयराम कार्कीभन्दा वरिष्ठ र योग्य शिक्षकहरू किशोर शाह, चन्द्र नारायण चौधरी, र निलु कुमारी झा हुँदा-हुँदै पनि उनलाई निमित्त प्रधानाध्यापक बनाइनुले कानुनी प्रक्रिया उल्लङ्घन मात्र नभई विद्यालयलाई विवादमा तान्न खोजिएको आरोप छ ।
विद्यालय व्यवस्थापन समितिका अध्यक्ष मेख बहादुर मगर राजनीतिक दबाबमा परेर स्थायी प्रधानाध्यापक नियुक्त गर्न असफल भएको बताइएको छ । व्यवस्थापन समितिको निर्णय नआउँदा विद्यालयको पठनपाठनमा कमजोर स्थिति झन् गहिरिएको छ ।
धनगढीमाई नगरपालिका र वडा अध्यक्ष जय प्रकाश शर्माले विवाद समाधान गर्न कुनै कदम नचालेको स्थानीयको गुनासो छ । कार्कीले नगरका नेताहरूलाई प्रभावमा पार्दै पदमा रहिरहन सक्रियता देखाएका छन् ।
विद्यालयको शैक्षिक वातावरण खस्कँदै गइरहेको र द्वन्द्वको सम्भावना उच्च भएकोले सम्बद्ध निकायले तत्काल कदम चाल्नुपर्ने स्थानीयवासीको माग छ । प्रधानाध्यापक नियुक्ति प्रक्रिया कानुनी ढंगले अघि बढेन भने विद्यालय थप समस्यामा फस्ने निश्चित देखिन्छ ।
श्री तुलसी राम सत्य भामा माविको विवादले कानुनी र व्यवस्थापकीय कमजोरीको स्पष्ट चित्रण गरेको छ । समस्या समाधानका लागि जिम्मेवार निकायले तत्काल चासो देखाउन आवश्यक छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
